Перакрыюць рух транспарту на час правядзення святочных мерапрыемстваў 9 мая ў Магілёве. Аб гэтым карэспандэнту сайта паведамілі ў аддзеле энергетыкі і транспарту ўпраўлення эканомікі гарвыканкама.

Па словах суразмоўцаў, да 9.00 Дзяржаўтаінспекцыя ад аўтамабіляў вызваліць праезджыя часткі вуліцы Першамайскай (ад плошчы Славы да вуліцы Язерскай), вуліцы Язерскай, праспекта Міру (ад вуліцы Першамайскай да вуліцы Ленінскай).

З 9.00 да 13.00 будзе абмежавана паркоўка машын па вуліцы Першамайскай (ад плошчы Славы да вуліцы Язерскай), вуліцы Язерскай, праспекце Міру (ад вуліцы Першамайскай да вуліцы Ленінскай), на пляцоўцы каля Магілёўскага абласнога мастацкага музея імя П. В. Масленікава і гандлёвага цэнтра «Магніт».

Акрамя таго, у Дзень Перамогі перакрыецца рух транспартных сродкаў на некаторых участках дарогі. У прыватнасці, з 9.30 да заканчэння шэсця нельга будзе рухацца па вуліцы Першамайскай (ад плошчы Славы да вуліцы Язерскай), вуліцы Язерскай, праспекце Міру (ад вуліцы Ціміразеўскай да вуліцы Ленінскай), а з 11.00 да заканчэння святочнага канцэрта – па праспекце Міру (ад вуліцы Першамайскай да вуліцы Ленінскай).

Абмяжуецца рух аўтамабіляў з 11.00 да 18.00 па вуліцы Клайпедскай, з 22.30 да заканчэння святочнага салюту – па праспекце Пушкінскім (ад вуліцы Чалюскінцаў да вуліцы Гагарына), вуліцы Вялікая Чавуская, вуліцы Чалюскінцаў (ад плошчы Арджанікідзэ да вуліцы Раманава). Выключэнне – грамадскі транспарт.

Рух грамадскага транспарту будзе арганізаваны з улікам перакрыцця руху. Акрамя таго, 9 мая выйдуць дадатковыя аўтобусы па маршрутах №32к «Гарадская ветэрынарная станцыя – аўтавакзал» (з 9.30 да 11.00 у колькасці 2 адзінак) і №9к «Плошча Леніна – Пячэрскі лесапарк» (з 11.00 да 18.00, 4 адзінкі).