Абласны конкурс «Містар-супермэн» прайшоў у Бабруйску. Удзельнікамі творчага спаборніцтва сярод членаў Беларускага прафсаюза работнікаў лесу і прыродакарыстання сталі 9 прадстаўнікоў моцнай паловы чалавецтва ва ўзросце ад 18 да 31 года. Кожны з іх прайшоў жорсткі адбор на адпаведнасць шэрагу патрабаванняў: рост, не ніжэйшы за 170 см, наяўнасць музычнага слыху і пачуцця рытму, любоў да сцэны, а таксама адсутнасць штампа ў пашпарце.

Маладым мужчынам было прапанавана выканаць некалькі заданняў, справіцца з якімі можна было толькі праявіўшы знаходлівасць, чароўнасць, крэатыўнасць і ўменне імправізаваць. Напрыклад, у выпрабаванні «Містар Імідж» журы ацэньвала дэфіле канкурсантаў. Аднак гаворка ішла не толькі пра ўменне прыгожа рухацца, але і аб майстэрстве пазіцыірававаць сябе як разумны, эрудзіраваны, творчы і дасціпны малады чалавек.

На этапе «Містар Патрыёт» удзельнікам неабходна было прэзентаваць родны горад і наглядна перадаць свае патрыятычныя пачуцці да малой радзімы. У конкурсным выпрабаванні «Містар Рамантык» маладыя людзі разыгравалі ў тэатральнай мініяцюры ролю закаханага – персанажаў вядомых літаратурных твораў або кінастужак. У гэтым выпрабаванні віталіся касцюмы і музычнае афармленне, а ацэнкі выстаўляліся за акцёрскае майстэрства, эмацыйнасць, шчырасць і пераканаўчасць.

Конкурс «Містар Крэатыў» меў на ўвазе пастаноўку на сцэне нумара з элементамі шоу, у якім раскрываецца хобі маладога чалавека. А ў выпрабаванні «Бал» удзельнікі дэманстравалі свае танцавальныя здольнасці. Ім было прапанавана падрыхтаваць танец на выбар: вальс, рускі народны або сучасны танец, танга, брэйк-данс, хіп-хоп і гэтак далей.

Па выніках усіх конкурсных выпрабаванняў былі названы пераможцы. Першае месца заняў навучэнец Бабруйскага лесатэхнічнага каледжа Андрэй Цяслёнак, другое – аператар агрэгатных ліній сартавання і перапрацоўкі бярвення ААТ «ФанДАК» Сяргей Грыняк, трэцяе – ляснічы Мсціслаўскага лясніцтва ДЛГУ «Горацкі лясгас» Міхаіл Сцяпанаў.

Намінацыя «Містар-Крэатыў» прысвоена аператару кацельні 5-га разраду ААТ «Магілёўдрэў» Дзмітрыю Раманаву, «Містар-Талент» – майстру лесу Пятровіцкага лясніцтва ДЛГУ «Бабруйскі лясгас» Глебу Пянігіну, «Містар-Артыстызм» – інжынеру-энергетыку ЗАТ «Бабруйскмэбля» Канстанціну Паўлюкову. Тытул «Містар глядацкіх сімпатый» заваяваў майстар лесу Бацэвіцкага лясніцтва ДЛГУ «Клічаўскі лясгас» Міхаіл Аўсянік, намінацыя «Містар арыгінальнасць» дасталася электраманцёру па рамонце і абслугоўванні электраабсталявання ААТ «Папяровая фабрыка «Спартак»» Ягору Бяляеву, «Містар Стыль» – памочніку ляснічага Чэрыкаўскага лясніцтва ДЛГУ «Чэрыкаўскі лясгас» Мікалаю Васільеву.