Пераможцай XI абласной зімовай спартакіяды работнікаў АПК стала каманда Магілёўскага раёна. Спаборніцтвы праходзілі ў Бялынічах.

Дружына стала найлепшай у спаборніцтвах па настольным тэнісе, у плаванні і шашках. Другія вынікі зборная паказала ў лыжным спорце і эстафеце.

З сярэбранымі медалямі завяршылі выступленне на спартакіядзе прадстаўнікі Кіраўскага раёна. Бронза дасталася Чавускаму раёну. За крок ад п’едэстала спынілася Магілёўскае дзяржаўнае аб’яднанне «Мясамалпрам».

Спартакіяда работнікаў АПК сабрала ў Бялынічах каля 800 удзельнікаў у складзе 28 каманд. Прадстаўнікі сельскіх раёнаў, холдынгаў, аб’яднанняў і арганізацый, а таксама кіраўнікі аграпрамысловага комплексу Магілёўшчыны спаборнічалі ў некалькіх відах спорту: валейболе, шашках, настольным тэнісе, лыжных гонках, кулявой стральбе, гіравым спорце, дартсе, перацягванні каната, плаванні.