Пераможцай абласнога турніру па піянерболе «Гуляй і выігрывай!» стала каманда «Аптымісты» сярэдняй школы №31 горада Магілёва. Пра гэта паведаміла старшыня Магілёўскага абласнога Савета ГА «Беларуская рэспубліканская піянерская арганізацыя» Алена Малдаванава.

У спаборніцтве прымалі ўдзел дзеці ва ўзросце 13-14 гадоў, якія прадстаўлялі піянерскія дружыны ўстаноў агульнай сярэдняй адукацыі ў складзе змешаных каманд. Другое і трэцяе месцы дасталіся камандам «Алімпіец» і «Смельчакі», якія прадстаўлялі СШ №19 і СШ №38 Магілёва адпаведна.

Мерапрыемства праводзілася з мэтай згуртавання дзіцячага калектыву, уцягвання школьнікаў у рэгулярныя заняткі фізічнай культурай і спортам, умацавання іх здароўя, арганізацыі вольнага часу і прафілактыкі правапарушэнняў, развіцця і папулярызацыі гульні ў піянербол.