Першы этап рэпетыцыйнага тэставання (РТ) за курс агульнай сярэдняй адукацыі стартуе 22 кастрычніка. У Магілёўскай вобласці тэставанне можна будзе прайсці ў БРУ, МДУ і МДУХ, як паведамілі карэспандэнту сайта ў рэгіянальным цэнтры тэставання Беларуска-Расійскага ўніверсітэта.

«Падчас тэставання абітурыенты змогуць праверыць існуючы запас ведаў і выявіць прабелы, якія трэба запоўніць да пачатку цэнтралізаванага тэставання, – адзначылі суразмоўцы. – Акрамя таго, удзельнікі папярэдняга тэставання пазнаёмяцца з правіламі запаўнення бланкаў адказаў і самім ходам тэсту, псіхалагічна падрыхтуюцца да будучых уступных іспытаў».

Пачатак правядзення тэставання па ўсіх прадметах у 11.00.

Усяго прадугледжана тры этапы рэпетыцыйнага тэставання. Другі пройдзе ў студзені-лютым, трэці – у сакавіку-красавіку 2018 года. Працэдура РТ, у тым ліку апрацоўка бланкаў адказаў, праводзіцца ў адпаведнасці з тэхналогіяй цэнтралізаванага тэставання.