Першыя экіпажы-тысячнікі з’явіліся на жніве ў Магілёўскай вобласці. Пра гэта паведамілі ў абласным камітэце прафсаюза работнікаў АПК.

Так, першым тысячны рубеж па намалоце збожжа па стане на 2 жніўня пераадолеў сямейны экіпаж камбайнераў гаспадаркі ААТ «Рассвет» імя К. П. Арлоўскага» Кіраўскага раёна – Мікалай і Андрэй Дразды. Іх намалот склаў 1 040 т. Заўтра перадавому сямейнаму экіпажу будуць уручаны вымпел, дыпломы і каштоўныя падарункі ад абкама прафсаюза АПК.

І сёння літаральна праз два гадзіны пачынанне кіраўчан падтрымаў экіпаж ААТ «Агракамбінат «Зара»» Магілёўскага раёна – Аляксей Макосаў і Мікалай Мінчанка. Чакаецца, што 3 жніўня тысячны рубеж па намалоце збожжавых пераадолеюць экіпаж у складзе Мікалая Дарачкіна і Валянціна Якушава з калгаса «Радзіма» Бялыніцкага раёна і камбайнер з гаспадаркі «Гігант» Бабруйскага раёна Валянцін Тарасевіч.

На адвозцы хлеба новага ўраджаю першым тысячнікам стаў кіроўца гаспадаркі «Амкадор-Шклоў» Віталь Цямрук. Дарэчы, па стане на 2 жніўня перадавы вадзіцель ужо падыходзіць да дзвюхтысячнага выніку. Таксама тысячны рубеж па адвозцы збожжа пераадолеў малады вадзіцель гэтай жа гаспадаркі Павел Ціханаў.

ТРК «Магілёў»