За студзень-ліпень 2018 года ў кансалідаваны бюджэт Магілёўскай вобласці паступіла Br702,3 млн. У структуры падатковых паступленняў лідзіруюць арганізацыі дзяржаўнага сектара эканомікі. На іх долю прыпадае 63% агульных фінансавых уліванняў, што складае Br442,3 млн., паведамілі ў прэс-цэнтры інспекцыі МПЗ Рэспублікі Беларусь па рэгіёне.

Арганізацыі недзяржаўнага сектара ўнеслі ў бюджэт Br204,5 млн. (29,1%), індывідуальныя прадпрымальнікі – Br32 млн. (4,6%), фізічныя асобы – Br23,5 млн. (3,3%).

Усяго на Магілёўшчыне 388 тыс. плацельшчыкаў, у тым ліку: 13,3 тыс. арганізацый недзяржаўнага сектара, 2,5 тыс. арганізацый дзяржаўнага сектара, 23 тыс. індывідуальных прадпрымальнікаў і 349,2 тыс. фізічных асоб.