Форум Моладзевага савета Магілёўскага абласнога аб’яднання прафсаюзаў «Сацыяльныя гарантыі моладзі. Маладыя спецыялісты» пройдзе ў Магілёўскім дзяржаўным універсітэце харчавання 14 чэрвеня. Пра гэта расказаў старшыня моладзевага савета Віктар Аўдзюшка.

У межах мерапрыемства будзе разгледжаны шэраг пытанняў, якія тычацца моладзевай палітыкі Федэрацыі прафсаюзаў Беларусі, прававых аспектаў працаўладкавання маладых спецыялістаў, вопыту работы з моладдзю ў арганізацыях рэгіёна на прыкладзе ААТ «Магілёўхімвалакно» і РУП «Магілёўаблгаз».

Акрамя таго, прысутныя абмяркуюць прадастаўленне сацыяльных гарантый для дзяцей-сірот і дзяцей, якія засталіся без апекі бацькоў, а таксама гарантый маладым спецыялістам.

У межах праграмы запланавана знаёмства ўдзельнікаў форума з універсітэтам і кулінарны майстар-клас.

Пачатак мерапрыемства – 10.00.