Прававыя прафсаюзныя прыёмы грамадзян пройдуць у Магілёўскай вобласці 25 студзеня. У гэты дзень кожны жадаючы зможа атрымаць бясплатную кансультацыю юрыстаў па пытаннях, звязаных з абаронай працоўных і сацыяльна-эканамічных правоў і інтарэсаў.

Плануецца, што ў большасці раёнаў сустрэчы пройдуць сумесна з прадстаўнікамі органаў пракуратуры. Час і месца прыёмаў можна даведацца з 22 па 24 студзеня па тэлефоне Магілёўскага абласнога аб’яднання прафсаюзаў: (80222) 25 36 52.

Па атрыманне юрыдычнай дапамогі на мінулы прававы прафсаюзны прыём грамадзян, які адбыўся ў снежні 2017 года, звярнулася больш за 70 чалавек. Аналіз паказаў, што больш за ўсё іх хвалявалі пытанні прымянення кантрактнай формы найму аплаты працы, спынення працоўных адносін, жыллёвага заканадаўства, прыцягнення да дысцыплінарнай і матэрыяльнай адказнасці, прадастаўлення адпачынкаў і іншыя.
Сумесна з пракурорамі прыём грамадзян быў праведзены ў Магілёве і ў 10 раёнах: Бабруйскім, Бялыніцкім, Крычаўскім, Клімавіцкім, Клічаўскім, Касцюковіцкім, Краснапольскім, Круглянскім, Магілёўскім, Хоцімскім. Больш за ўсё зваротаў прыйшлося на абласны цэнтр – 18.

Так, на прававы прыём звярнуўся работнік аднаго з прадпрыемстваў Горацкага раёна. Ён растлумачыў, што летам на непрацяглы час быў накіраваны наймальнікам у адну з сельгасарганізацый раёна для своечасовай уборкі ўраджаю. Нягледзячы на дамоўленасць, аплаты за выкананую працу яму так і не паступіла. У ходзе прыёму прававы інспектар працы звязаўся з кіраўніком прадпрыемства па гэтым пытанні. У выніку ў гэты ж дзень работніку вярнулі заробленае – 127 беларускіх рублёў.

У ходзе прафсаюзнага прыёму да галоўнага прававога інспектара працы Магілёўскага абласнога аб’яднання прафсаюзаў Іне Чабатарэўскай звярнуўся ўрач-хірург адной з устаноў аховы здароўя Шклоўскага раёна. Яго цікавіла правамернасць прыцягнення яго да дысцыплінарнай адказнасці, якая была прыменена за адсутнасць на працоўным месцы на працягу дзвюх гадзін. У ходзе вывучэння дадзенага пытання ўстаноўлена, што ў табелі ўліку працоўнага часу ў пазначаны дзень работніку адзначаны поўны працоўны дзень і заработная плата выплачана ў поўным аб’ёме. Зыходзячы з таго, што наймальнік не аформіў належным чынам адсутнасць работніка на працоўным месцы, падстаў для выдання загаду аб прыцягненні працаўніка да дысцыплінарнай адказнасці ў яго не было. Сітуацыя таксама была вырашана ў ходзе прававога прыёму: пасля размовы з кіраўніком установы загад адменены.