Прэм’ер-міністр Беларусі Сяргей Румас уручыў дзяржаўныя ўзнагароды прадстаўнікам працоўных калектываў краіны. У спісе ўзнагароджаных – больш за 100 чалавек, якія дабіліся поспехаў у розных сферах дзейнасці. У іх ліку і прадстаўнікі Магілёўскай вобласці.

Галоўнаму рэдактару інфармацыйнага агенцтва «Магілёўскія ведамасці» Святлане Шутавай уручана медаль Францыска Скарыны. У ліку ўзнагароджаных экс-начальнік упраўлення адукацыі Магаблвыканкама Уладзімір Рыжкоў, дырэктар Магілёўскай абласной філармоніі Дзяніс Шаблінскі, дырэктар Магілёўскага драмтэатра Андрэй Новікаў, дырэктар Магілёўскага цэнтра фізвыхавання і спорту навучэнцаў і студэнтаў упраўлення адукацыі аблвыканкама Аляксандр Шайтароў і іншыя прадстаўнікі Магілёўскай вобласці, якія ўнеслі значны асабісты ўклад у развіццё сваіх прафесійных сфер.

Акрамя таго, за шматгадовую плённую працу ўдастоены падзяк Прэзідэнта Рэспублікі Беларусь і каштоўных падарункаў старшыні Бялыніцкай і Асіповіцкай раённых арганізацый ГА «Беларускі саюз ветэранаў вайны ў Афганістане» Віктар Падольскі і Юрый Корбан.

mogilevnews.by