Прэзідэнт Расіі Уладзімір Пуцін прыбыў у Магілёў для ўдзелу ў V Форуме рэгіёнаў Беларусі і Расіі. Самалёт кіраўніка расійскай дзяржавы прызямліўся ў міжнародным аэрапорце абласнога цэнтра.

Уладзіміра Пуціна сустрэў Прэзідэнт Беларусі Аляксандр Лукашэнка. Пасля цырымоніі сустрэчы кіраўнікі дзяржаў накіраваліся да месца правядзення пленарнага пасяджэння Форуму рэгіёнаў. Мерапрыемства прысвечана прыярытэтным кірункам развіцця рэгіянальнага супрацоўніцтва як ключавога фактару інтэграцыі і саюзнага будаўніцтва.

Перад ім прэзідэнты правядуць асабістую сустрэчу, падчас якой абмяркуюць найбольш актуальныя пытанні беларуска-расійскіх адносін.

Праграма знаходжання Уладзіміра Пуціна ў Беларусі таксама ўключае магчымасці для нефармальных зносін кіраўнікоў дзяржаў.

БЕЛТА