Мінчанка – чэмпіёнка свету Анастасія Пракапенка і магілёвец Ілья Палазкоў перамаглі ў змешанай эстафеце на прэстыжным турніры «Кубак Крамля», які прайшоў у Маскве.

У пачатку спаборніцтваў Анастасія Пракапенка выйграла турнір па фехтаванні, а перад заключным відам (кросам і стральбой) беларускі дуэт адставаў ад лідараў з Расіі Гульназ Губайдулінай і Аляксандра Лесуна, які пачынаў займацца пяцібор’ем у Беларусі, на 21 секунду. У ходзе забегу алімпійскі чэмпіён Рыа-дэ-Жанейра стараўся ўтрымаць перавагу, але Ілья Палазкоў пасля некалькіх промахаў саперніка на агнявым рубяжы апярэдзіў Лесуна і прынёс перамогу беларусам.

У змяшанай эстафеце Анастасія Пракапенка і Ілья Палазкоў набралі 1416 ачкоў. Сярэбранымі прызёрамі сталі Гульназ Губайдуліна, Аляксандр Лясун – 1402 балы. Бронзавыя ўзнагароды ў Гінтарэ Венцкаўскайтэ і Юсцінаса Кіндэрыса з Літвы – 1368 балаў.

«Кубак Крамля» па сучасным пяцібор’і – элітны турнір, куды дапускаюцца толькі найлепшыя спартсмены свету па персанальным запрашэнні. У спаборніцтвах разыгрываюцца медалі ў змешанай эстафеце сярод каманд. Прызавы фонд турніру традыцыйна складае $ 100 тыс. і з’яўляецца самым буйным у гісторыі сучаснага пяцібор’я.

БЕЛТА

Фота – Беларускай федэрацыі сучаснага пяцібор’я