Выязное пасяджэнне Прэзідыума навукова-кансультацыйнага савета па пытаннях сацыяльна-эканамічнага развіцця Рэспублікі Беларусь пры Прэзідыуме Савета Рэспублікі шостага склікання адбудзецца 13 верасня ў Магілёве.

Плануецца, што ў мерапрыемстве прыме ўдзел Старшыня Савета Рэспублікі Нацыянальнага сходу Беларусі Міхаіл Мясніковіч, члены Савета Рэспублікі, дэпутаты Палаты прадстаўнікоў, кіраўнікі ад Міністэрства па падатках і зборах і Міністэрства фінансаў, прадстаўнікі мясцовых органаў улады і бізнесу.

Падчас пасяджэння будуць разгледжаны пытанні ўдасканалення падатковага заканадаўства і карэкціроўкі Падатковага кодэкса з наведваннем цэнтраў абслугоўвання плацельшчыкаў у інспекцыях МПЗ па Ленінскім раёне горада Магілёва і Магілёўскім раёне.