Камітэт дзяржаўнага кантролю Магілёўскай вобласці праверыў законнасць і эфектыўнасць выкарыстання бюджэтных сродкаў у аддзеле па адукацыі Чавускага райвыканкама, паведаміў намеснік старшыні Камітэта Аляксей Іглікаў.

Паводле слоў суразмоўцы, кантралёры выявілі неадзінкавыя парушэнні бюджэтна-фінансавага заканадаўства. У іх ліку незаконнае атрыманне звыш Br4 тыс. на арганізацыю бясплатнага харчавання навучэнцаў, выкарыстанне бюджэтных сродкаў без правядзення ўстаноўленых заканадаўствам працэдур закупак.

Таксама выкрыты парушэнні пры прадастаўленні дзяржаўнай статыстычнай справаздачнасцi, эксплуатацыі школьных аўтобусаў і іншыя.

Па выніках праверкі пяць работнікаў аддзела прыцягнуты да адміністрацыйнай адказнасці, незаконна атрыманыя сродкі адноўлены ў бюджэт.