Раённы фестываль сямейнай творчасці «Зорны экспрэс» правядуць у Касцюковічах 19 мая. Пра гэта паведамілі ў райвыканкаме.

Мерапрыемства будзе складацца з дзвюх частак.

У 12.00 свята стартуе на пляцоўцы каля маладзёжнага культурнага цэнтра «Юнацтва». Тут плануецца арганізаваць конкурс дзіцячых малюнкаў, парады калясак і парасонаў, сямейны велапрабег, гонкі на самакатах, роліках, канцэрт творчых калектываў раёна.

У 17.00 у раённым Цэнтры культуры адбудзецца вакальны конкурс «Спяваем ўсёй сям’ёй». Гасцей фестывалю будзе сустракаць выстава-кірмаш сямейнай творчасці, дзе прадставяць вырабы дэкаратыўна-прыкладнога мастацтва, кулінарныя прысмакі, пакаёвыя кветкі. Для наведвальнікаў таксама правядуць розныя майстар-класы.