Пашыранае пасяджэнне Рэспубліканскага савета кіраўнікоў устаноў дашкольнай адукацыі пройдзе ў Магілёве 23-24 лістапада. Тэма мерапрыемства – дзейнасць устаноў дашкольнай адукацыі па пашырэнні спектру адукацыйных паслуг.

У дыскусіі прымуць удзел больш за 30 чалавек – галоўныя спецыялісты ўпраўленняў адукацыі аблвыканкамаў, камітэта па адукацыі Мінгарвыканкама, што займаюцца пытаннямі дашкольнай адукацыі, члены Рэспубліканскага савета кіраўнікоў устаноў дашкольнай адукацыі, іншыя зацікаўленыя. Яны абмяркуюць дапаўненні, што ўносяцца ў вучэбную праграму дашкольнай адукацыі ў частцы аказання адукацыйных паслуг па тэхнічным, турысцка-краязнаўчым, фізкультурна-спартыўным, мастацка-маўленчым, інтэлектуальна-пазнавальным і іншых напрамках.

Праграмай мерапрыемства таксама прадугледжана прэзентацыя вопыту работы ўстаноў дашкольнай адукацыі Магілёва і Магілёўскага раёна па заяўленай тэме з наведваннем ДУА «Яслі-сад в. Сумарокава», «Яслі-сад №116 г. Магілёва», «Яслі-сад №112 г. Магілёва».