Рэспубліканскі злёт-конкурс атрадаў юных інспектараў руху адбудзецца ў Бабруйску 28 мая – 1 чэрвеня. Пра гэта паведамілі ў аддзяленні па агітацыі і прапагандзе ДАІ УУС Магілёўскага аблвыканкама.

У традыцыйным спаборніцтве, якое пройдзе ў 47-ы раз, возьмуць удзел каманды-пераможцы аналагічных рэгіянальных спаборніцтваў з шасці абласцей рэспублікі і горада Мінска, а таксама атрады ЮІР з Расіі, Казахстана і Азербайджана.

Урачыстае адкрыццё злёту-конкурсу адбудзецца ў 15.30 хвілін 28 мая на плошчы Перамогі. З 14.00 тут пачнуць сваю працу выставы службовага аўтатранспарту, спецтэхнікі і ўзбраення падраздзяленняў ДАІ і АМАП УУС. Вынікі злёту падвядуць 31 мая.

Рэспубліканскі злёт-конкурс атрадаў юных інспектараў руху праводзіцца штогод у мэтах прафілактыкі дзіцячага дарожна-транспартнага траўматызму, прапаганды здаровага ладу жыцця сярод дзяцей.