Пастановай Савета Міністраў ад 18 студзеня 2018 года №37 зацверджана новая рэдакцыя палажэння аб парадку індэксацыі тарыфаў (цэн) на камунальныя паслугі, якія прадстаўляюцца юрыдычным асобам арганізацыямі сістэмы Міністэрства жыллёва-камунальнай гаспадаркі, паведамляе Нацыянальны цэнтр прававой інфармацыі.

Пастановай вызначана формула, па якой ажыццяўляецца індэксацыя тарыфаў (цэн) на камунальныя паслугі (паслугі па водазабеспячэнні, водаадвядзенні (каналізацыі), цеплазабеспячэнні, абыходжанні з цвёрдымі камунальнымі адходамі) пры змене ўстаноўленага Нацбанкам афіцыйнага курсу беларускага рубля да курсу долара ЗША на дату аплаты юрыдычнай асобай камунальных паслуг у параўнанні з курсам беларускага рубля да курсу долара ЗША, паказанаму ў рашэннях аблвыканкамаў і Мінскага гарвыканкама аб устанаўленні тарыфаў на камунальныя паслугі і прынятаму пры разліку гэтых тарыфаў.

Аплата юрасобамі камунальных паслуг, уключаючы пагашэнне запазычанасці за іх, ажыццяўляецца па тарыфах на камунальныя паслугі, праіндэксаваныя ў парадку, прадугледжаным зацверджаным Палажэннем, калі іншае не ўстаноўлена заканадаўчымі актамі.

Зацверджаная пастановай новая рэдакцыя палажэння ўступае ў сілу пасля яго афіцыйнага апублікавання і распаўсюджвае сваё дзеянне на адносіны, якія ўзніклі з 1 студзеня 2018 года.

БЕЛТА