Сельгасарганізацыі Магілёўскай вобласці плануюць атрымаць у гэтым годзе 12 тыс. т яблыкаў. Пра гэта паведамілі ў аблсельгасхарчы.

«Кульмінацыя яблычнага сезона прыйдзецца на канец жніўня, але ўжо можна разважаць пра ўраджай, – адзначылі суразмоўцы. – Пры цвіценні ў гэтым годзе замаразкаў не было. Значыць, аб’ёмы будуць нядрэннымі».

Так, найбольшы ўраджай яблыкаў чакаюць у Кіраўскім раёне – на прадпрыемстве ААТ «Рассвет» імя К. П. Арлоўскага – 2 тыс. т. У ААТ «Александрыйскае» – 800 т. Бялыніцкія сельгаспрадпрыемствы атрымаюць прыкладна 1 тыс. т румяных яблыкаў, а ў Горацкім раёне з дрэў здымуць 350 т садавіны.

Па матэрыяле ТРК «Магілёў»