Сезонны сельскагаспадарчы кірмаш адкрыецца 16 верасня ў Магілёве і будзе працягвацца па 15 кастрычніка. Пра гэта карэспандэнту сайта паведамілі ў галоўным упраўленні гандлю і паслуг аблвыканкама.

Сваю прадукцыю на паркоўцы ў ТЗЦ «Е-Сіці» (вул. Гагарына, 79) прапануюць фермерскія і садоўніцкія гаспадаркі Магілёўшчыны. Тут жа будуць прадстаўлены вырабы рамеснікаў рэгіёна.

Ініцыятарам правядзення кірмашу выступіла гандлёвая сетка «Еўраопт» у партнёрстве з ГА “Саюз фермераў Магілёўскай вобласці” пры падтрымцы аблвыканкама.

Нагадаем: усяго ў рэгіёне восенню запланавана правесці каля 400 сельскагаспадарчых кірмашоў. У Магілёве сезон ужо стартаваў у першыя выхадныя верасня. Бліжэйшы кірмаш адбудзецца 16 верасня на тэрыторыі каля сярэдняй школы №41 (вул. Фаціна, 12). У нядзелю, 17 верасня, жыхары абласнога цэнтра змогуць купіць свежую плодаагароднінную прадукцыю ў ГЦ «Парк Сіці» (Мінская шаша, 31).