Спектакль «Споведзь маскі» тэатра «Руская сцэна» (г. Берлін, Германія) адмяняецца. Пастаноўка планавалася быць 27 сакавіка на сцэне Магілёўскага абласнога тэатра лялек у рамках XIII Міжнароднага моладзевага тэатральнага форуму «M.@rt.контакт», паведамілі карэспандэнту сайта ў дырэкцыі фестывалю.

Адмена звязана з неспадзяванымі акалічнасцямі: тэатр трапіў у аварыю падчас гастроляў у Аб’яднаных Арабскіх Эміратах.

Дырэкцыя форуму жадае ўдзельнікам тэатра «Руская сцэна» хутчэйшага аднаўлення і прыносіць свае прабачэнні за нязручнасці гледачам, якія набылі білеты на спектакль.

Набытыя білеты можна здаць у касу драмтэатра з сённяшняга дня і аж да 27 сакавіка ўключна.

Даведкі па тэлефонах: 8 (0222)31-00-45; (+37529)131-25-48 Velcom; (+37529) 241-43-86 МТС. Каса тэатра: 8 (0222) 22-66-04.