Справаздачна-выбарная канферэнцыя Магілёўскай абласной арганізацыі ГА “Беларускі рэспубліканскі саюз моладзі” адбудзецца 3 кастрычніка ў зале пасяджэнняў аблвыканкама.

Удзел у мерапрыемстве прымуць прадстаўнікі выканаўчай улады рэгіёна, Пастаяннай камісіі Савета Рэспублікі Нацыянальнага сходу Беларусі па адукацыі, навуцы, культуры і сацыяльным развіцці, грамадскіх аб’яднанняў, актыў «БРСМ».

Адкрые канферэнцыю ў 10.00 выстава, прысвечаная асноўным напрамкам дзейнасці арганізацыі ў 2014-2017 гадах. У 11.00 пачнецца пасяджэнне, дзе будуць падведзены вынікі работы за тры гады, пастаўлены задачы на новы перыяд, абрана кіраўніцтва Магілёўскага абласнога камітэта ГА «БРСМ», дэлегаты на 43 з’езд ЦК ГА «БРСМ».