У Магілёве прайшоў абласны агляд-конкурс прафесійнага майстэрства на званне «Найлепшы супрацоўнік падраздзяленняў па грамадзянстве і міграцыі органаў унутраных спраў». У барацьбе за перамогу сышлося 14 прадстаўнікоў службы. Пра гэта карэспандэнту сайта паведаміў афіцыйны прадстаўнік УУС аблвыканкама Уладзімір Сінкевіч.

Падчас спаборніцтваў удзельнікам трэба было здаць залік па агнявой падрыхтоўцы, выканаць кантрольныя нарматывы па фізпадрыхтоўцы, прадэманстраваць навыкі валодання баявымі прыёмамі барацьбы, веды і ўменні ў медыцынскай і спецыяльнай падрыхтоўках, а таксама ў асновах дзелавога этыкету і прамоўніцкага майстэрства.

Па выніках конкурсу найлепшым супрацоўнікам была прызнана старшы інспектар групы па грамадзянстве і міграцыі Клічаўскага РАУС старшы лейтэнант міліцыі Кацярына Бацюк. Другое месца заняў старшы інспектар па асобых даручэнняхупраўлення па грамадзянстве і міграцыі УУС маёр міліцыі Рыгор Грыгор’еў, а трэцяе – інспектар аддзела па грамадзянстве і міграцыі Горацкага РАУС лейтэнант міліцыі Арцём Пятроў.

Усе канкурсанты атрымалі сувеніры, якія нагадаюць ім пра ўдзел у спаборніцтве, а пераможцам трэба будзе паказаць высокі ўзровень прафесійнай падрыхтоўкі на рэспубліканскім этапе агляду-конкурсу.

Фото Владимира Синкевича и Елены Игнатовой