Стартаваў прыём заявак на ўдзел у XXI Міжнародным фестывалі анімацыйных фільмаў «Анімаёўка». Пра гэта паведамілі ў Магілёўскім дзяржаўным прадпрыемстве «Кінавідэапракат».

Прыём заявак ажыццяўляецца праз e-mail animaevka@tut.by і на сайце www.festhome.com да 1 верасня 2018 года. Жадаючых запрашаюць паўдзельнічаць у конкурсах анімацыйных фільмаў, дзіцячай анімацыйнай, выяўленчай і дэкаратыўна-прыкладной творчасці.

Нагадаем: фестываль «Анімаёўка» праводзіцца з мэтай дэманстрацыі і папулярызацыі найлепшых дасягненняў у галіне анімацыйнага кіно, спрыяе развіццю і ўмацаванню культурных сувязяў паміж Беларуссю і краінамі – удзельніцамі форуму, а таксама выяўленню і падтрымцы творчага патэнцыялу таленавітых дзяцей і моладзі. За гады існавання фестываль стаў святам анімацыі для дзяцей і дарослых.