STEM-клас адкрыецца ў 2019 годзе ў гімназіі №3 Бабруйска. Пра гэта паведаміў дырэктар Асацыяцыі па садзейнічанні развіццю адукацыйных ініцыятыў у галіне дакладных навук і высокіх тэхналогій «Адукацыя для будучыні» Аляксандр Хоміч.

Па выніках конкурсу «Хачу вучыцца ў STEM-класе!» дзесяць беларускіх школ і гімназій атрымае фінансавую дапамогу на куплю абсталявання для заняткаў па праграмаванні і 3D-мадэляванні. У іх ліку ўстанова агульнай сярэдняй адукацыі горада на Бярэзіне. Для спецыяльнага класа закупяць 10 ноўтбукаў, 5 базавых і 5 рэсурсных набораў па робататэхніцы LEGO Mindstorms. Могуць быць закуплены тэлевізары і іншае абсталяванне.

STEM-класы-цэнтры адкрыты на базе ўстаноў агульнай сярэдняй адукацыі, дзе дзеці пад кіраўніцтвам спецыяльна падрыхтаваных педагогаў могуць бясплатна займацца па асноўных STEM-напрамках. STEM-абрэвіятура чатырох асноўных напрамкаў, якія іграюць ключавую ролю ў развіцці тэхналогій: натуральныя навукі, інфармацыйныя тэхналогіі, інжынірынг, матэматыка.