У Магілёўскім медыцынскім каледжы прайшла творчая сустрэча «Дыялог культур – адзіны свет» з удзелам студэнтаў з замежных дзяржаў. Пра гэта паведамілі ва ўстанове адукацыі.

Са сцэны гучалі прывітання на шасці мовах. Навучэнцы спявалі, чыталі вершы, выконвалі народныя танцы. У кароткім прэзентацыйным экскурсе з захапленнем праслаўлялі родныя мясціны, геаграфія якіх шырокая і разнастайная. Амаль за дзве гадзіны гледачы пабывалі ў Ізраілі, Азербайджане, Украіне, Расіі. Найбольш феерычнае прадстаўленне падарылі студэнты з Туркменістана. Нацыянальны каларыт вопраткі, запальныя песні і танцы, пачастунак нацыянальнымі стравамі не пакінулі нікога абыякавымі. Духмяны плоў, туркменскі хлеб і прысмакі маглі скарыць самых вытанчаных гурманаў. Словам у адказ беларусаў быў маляўнічы абрад шлюбу.

Рабяты гаварылі на розных мовах, дэманстравалі этнічныя культуры, захапляліся выдатнай гасціннай Беларуссю і тым, што ў сценах Магілёўскага медкаледжа здабылі не толькі калегаў, аднадумцаў, але і сапраўдных сяброў.