Свой удзел у Дні горада Магілёва пацвердзілі дэлегацыі з 17 гарадоў-пабрацімаў абласнога цэнтра. Пра гэта расказала начальнік упраўлення эканомікі Магілёўскага гарвыканкама Ала Багаценка.

Гасцямі мерапрыемстваў, прысвечаных святкаванню 751-й гадавіны заснавання горада на Дняпры, стане больш за 45 афіцыйных асоб, у тым ліку прадстаўнікі Славакіі, Сербіі, Германіі і Расіі. Частка з іх будзе задзейнічана ў рабоце X Міжнароднага інвестыцыйнага форуму «Млын поспеху», які пройдзе ў Магілёве 29-30 чэрвеня. Прадстаўнікі розных рэгіёнаў Расіі, напрыклад, стануць удзельнікамі секцыі «Развіццё інтэграцыйных працэсаў у Саюзнай дзяржаве» з удзелам бізнесу і ўлады. Ужо заявілі аб сваім намеры прыехаць прадстаўнікі акругі Сакаліная Гара Масквы, гарадоў Цямрук, Смаленск, Мурам, Ішыма (Цюменская вобласць), Новамаскоўск, Бранск, Балашыха і Ніжагародскай вобласці. Па выніках працы гэтай секцыі паміж акругай Сакаліная Гара і Магілёвам плануецца падпісанне пратакола аб намерах па адкрыцці ў горадзе на Дняпры медцэнтра дыягностыкі метадам магнітна-рэзананснай тамаграфіі.

Паводле інфармацыі гарвыканкама, Магілёў звязваюць пабрацімскія сувязі з 18-ю гарадамі, з 19-ю – падпісаны пагадненні аб гандлёва-эканамічным, навукова-тэхнічным і культурным супрацоўніцтве, з 8-ю – рэалізуюцца сумесныя мерапрыемствы ў рамках пратаколаў аб намерах.

Па матэрыяле mogilevnews.by