Рэспубліканскае свята «Александрыя збірае сяброў» наведала 85 тыс. чалавек. Пра гэта паведамілі ва УУС Магілёўскага аблвыканкама.

Мерапрыемства, якое адбылося 7-8 ліпеня ў аграгарадку Александрыя Шклоўскага раёна, прайшло без здарэнняў. «Ахову грамадскага парадку і бяспеку дарожнага руху падчас свята забяспечвалі супрацоўнікі органаў унутраных спраў, курсанты Магілёўскага інстытута МУС і вайскоўцы ўнутраных войскаў МУС Беларусі. Парушэнняў у месцах правядзення мерапрыемстваў дапушчана не было», – удакладніў начальнік упраўлення аховы правапарадку і прафілактыкі УУС падпалкоўнік міліцыі Дзмітрый Паркаў.