Святочны канцэрт «Мы будзем помніць перамогі і лёс наш мірна будаваць», прысвечаны Дню Незалежнасці Беларусі, адбудзецца 3 ліпеня ў Магілёве. Пра гэта паведамілі ва ўпраўленні культуры аблвыканкама.

Маляўнічае прадстаўленне пачнецца ў 20.30 на плошчы Славы. «Канцэрт будзе складацца з некалькіх эпізодаў, падчас якіх з дапамогай мастацкіх сродкаў раскажуць пра шлях беларускага народа да свабоды і незалежнасці, – удакладнілі суразмоўцы. – У тэатралізаванай частцы задзейнічаюць лепшыя творчыя калектывы Магілёўскай вобласці».

Працягнуць свята выступленні зорак беларускай эстрады. У іх ліку арт-група «Беларусы», Вікторыя Алешка, ансамбль «Песняры», гурт «Naviband».

Завершыцца мерапрыемства рэспубліканскай акцыяй «Праспяваем гімн разам», пасля якой неба над Магілёвам асвеціць святочны салют.