Танцавальным флэшмобам у Магілёве падтрымаюць сумесную дабрачынную праграму ЮНІСЕФ і ААТ «Прыёрбанк» «Сям’я кожнаму дзіцяці», што рэалізуецца пры падтрымцы Міністэрства працы і сацыяльнай абароны Беларусі, паведамілі карэспандэнту сайта ў гарвыканкаме.

Мерапрыемства, у якім прыме ўдзел каля 40 чалавек, плануецца правесці 28 жніўня з 12.00 да 14.00 на прылеглай тэрыторыі ЦБП 300 ААТ «Прыёрбанк» па вуліцы Першамайскай, 63.

«Дабрачынная праграма «Сям’я кожнаму дзіцяці» дапамагае дзецям з інваліднасцю, якія жывуць у дамах-інтэрнатах, вярнуцца да бацькоў і апекуноў. Галоўная мэта – зрабіць усё, каб кожнае дзіця расло і выхоўвалася ў сям’і», – падкрэслілі суразмоўцы.

Правядзенне тэматычнага танцавальнага флэшмоба накіравана на папулярызацыю фінансавага донарства і адпавядае сацыяльнай палітыцы ў краіне.