КДК Магілёўскай вобласці пры правядзенні маніторынгу выканання парадку прымянення тарыфаў на аказаныя бюджэтным арганізацыям камунальныя паслугі выяўлена неабгрунтаванае атрыманне дзяржаўных сродкаў у суме больш за Br510 тыс. пяццю прадпрыемствамі ЖКГ рэгіёна. Пра гэта паведаміў намеснік старшыні камітэта Аляксей Іглікаў.

Як паказаў кантроль, Быхаўскае УКП «Жылкамгас», Бялыніцкі УКП «Жылкамгас», Слаўгарадскае УКП «Жылкамгас», Крычаўскае УКВП «Водаканал», УКПП «Чэрыкаўскі жылкамунгас» пры аказанні ў 2017 годзе бюджэтным арганізацыям паслуг па цеплазабеспячэнні, водазабеспячэнні і водаадвядзенні перавысілі ўстаноўлены на дадзеныя паслугі гранічны ўзровень рэнтабельнасці, аднак неабгрунтавана атрыманую выручку «бюджэтнікам» не вярнулі.

Па выніках маніторынгу накіраваны рэкамендацыі па ліквідацыі выяўленых парушэнняў, іх выкананне знаходзіцца на кантролі камітэта.