Тэрмін ліквідацыі ААТ «Магілёўрыба» ўстаноўлены да 1 сакавіка 2019 года, паведамілі ў прэс-службе эканамічнага суда Магілёўскай вобласці.

«Рашэннем эканамічнага суда вобласці ад 16 сакавіка адкрытае акцыянернае таварыства «Магілёўрыба» прызнана банкрутам, а ў дачыненні да яго адкрыта ліквідацыйная вытворчасць», – праінфармавалі ў судзе. Тэрмін ліквідацыі ААТ – да 1 сакавіка 2019 года.

У ходзе адкрытага судовага пасяджэння ўстаноўлена, што з 2013 года прадпрыемства працавала са стратамі, а з пачатку 2016 года – спыніла вытворчую дзейнасць. З пачатку 2016-га ў таварыстве адсутнічае персанал работнікаў асноўнага вытворчага, тэхналагічнага і дапаможнага цыклу вытворчасці рыбнай прадукцыі, асноўнай крыніцай даходу ААТ у гэты час было прадастаўленне ў арэнду іншым арганізацыям складскіх памяшканняў і халадзільных камер. Крэдыторская запазычанасць на дату падачы заявы ў суд склала Br2 710 тыс. Уласных абаротных сродкаў прадпрыемства не мае, інвестара, здольнага забяспечыць новую арганізацыю вытворчага працэсу па выпуску гатовай рыбнай ці іншай прадукцыі, няма. У адпаведнасці з заключэннем антыкрызіснага кіраўніка, падставы для правядзення санацыі таварыства няма.

ААТ «Магілёўрыба» створана шляхам пераўтварэння камунальнага вытворча-гандлёвага ўнітарнага прадпрыемства «Магілёўскі рыбакомплекс». Асноўныя віды дзейнасці – рыбаводства, перапрацоўка і кансерваванне рыбы і рыбных прадуктаў.

БЕЛТА