Тэрмін падачы заявак на конкурс па арганізацыі і правядзенні свята «Купалле» («Александрыя збірае сяброў») працягнуты да 10 мая, паведамілі ў Міністэрстве культуры Беларусі.

Стаць удзельнікамі конкурсу могуць выканаўцы, якія маюць вопыт работы па арганізацыі і правядзенні культурных мерапрыемстваў міжнароднага ўзроўню не менш за 6 гадоў. Умовай з’яўляецца наяўнасць у штаце кваліфікаванага персаналу супрацоўнікаў, якія маюць вопыт у арганізацыі і правядзенні культурных мерапрыемстваў міжнароднага ўзроўню (не менш за 6 гадоў). Для пацвярджэння адпаведнасці кваліфікацыйным патрабаванням удзельнік павінен прадаставіць дакументы, якія сведчаць яго права ажыццяўляць гэтую дзейнасць, інфармацыю аб наяўнасці вопыту работы і кваліфікаваным персанале, кароткае апісанне мастацкай канцэпцыі мерапрыемства, мяркуемы склад рэжысёрска-пастановачнай групы, а таксама ўдзельнікаў мерапрыемства, наяўнасць уласных і (або) прыцягнутых кадравых і матэрыяльна-тэхнічных магчымасцяў, неабходных для выканання дагавора, і іншыя дакументы.

Пераможцу конкурсу неабходна арганізаваць і правесці на высокім мастацкім і арганізацыйным узроўні гала-канцэрт, арганізаваць працу рэжысёрска-пастановачнай групы, адміністрацыйнага персаналу, вырашыць пытанні па забеспячэнні абсталяваннем.

З падрабязнасцямі ўдзелу ў конкурсе можна азнаёміцца на сайце Міністэрства культуры Беларусі.

БЕЛТА