Праект па падтрымцы людзей з асаблівасцямі развіцця «Тэрыторыя людзей» пачне працаваць у канцы жніўня ў Магілёве. Творчы цэнтр размесціцца ў самым цэнтры Магілёва – па вуліцы Першамайскай, 20.

«Тэрыторыя людзей» – праект магіляўчанкі Алесі Цумаравай. Ідэя – дапамагчы асаблівым людзям даказаць сваю самастойнасць і магчымасць зарабляць, нягледзячы на катэгорыю інваліднасці.

У магазіне яны змогуць рэалізоўваць вырабы, зробленыя сваімі рукамі, а таксама стаць слухачамі курсаў і майстар-класаў. Для дзяўчат з інваліднасцю плануецца арганізаваць школу прыгажосці. Праект падтрымліваюць улады, дэпутаты і простыя людзі. Дапамагчы ў рэалізацыі праекта запрашаюцца таксама ўсе жадаючыя.

ТРК «Могилев»