У Асіповіцкім раёне затрымалі перавозчыка 900 л кантрафактнай спіртазмяшчальнай вадкасці. Пра гэта паведаміў начальнік аддзела УБЭЗ УУС падпалкоўнік міліцыі Андрэй Харкевіч.

Паводле яго слоў, супрацоўнікі АБЭЗ, АДАІ, АУР Асіповіцкага РАУС праводзілі папераджальна-прафілактычныя мерапрыемствы ў лясным масіве паблізу вёскі Прудок. Кіроўца «Мерседэс-Бэнц Спрынтар» па патрабаванні супрацоўнікаў міліцыі не спыніўся і паспрабаваў скрыцца.

«У лічаныя хвіліны парушальнік быў затрыманы. Ім аказаўся 21-гадовы бабруйчанін, – удакладніў Андрэй Харкевіч. – Спіртазмяшчальная вадкасць прызначалася для мелкааптовага распаўсюджвання. Яе канфіскавалі і накіравалі на экспертызу ў ДКСЭ па Магілёўскай вобласці. Праводзіцца праверка».

За згаданае правапарушэнне ўладальніку мікрааўтобуса пагражае адміністрацыйная адказнасць па арт. 12.27. КаАП Рэспублікі Беларусь у выглядзе штрафу да 100 базавых велічынь.

Паводле звестак УБЭЗ УУС, з пачатку года супрацоўнікамі міліцыі вобласці з незаконнага абароту ўсяго канфіскавана звыш 13 тыс. л. спіртазмяшчальнай прадукцыі на суму больш як Br270 тыс.

Фота прадастаўлена УБЭЗ УУС