У Бабруйскім раёне рыбак трапіў у рэанімацыю з электратраўмай, атрыманай пры плаванні каля лініі электраперадачы, паведаміў начальнік інфармацыйна-аналітычнага аддзела ДВА «Белэнерга» Аляксандр Малькоў.

«Пра тое, што рыбалка зблізку ЛЭП смяротна небяспечная, на жаль, зноў і зноў нагадваюць няшчасныя выпадкі. 23 ліпеня каля 18.00 мужчына 1971 года нараджэння атрымаў электратраўму, калі перамяшчаўся пад правадамі высакавольтнай лініі электраперадачы 110 кВ «Мірадзіна - Бабруйск Паўднёвая №2» у Бабруйскім раёне. У цяперашні час ён знаходзіцца ў рэанімацыі Бабруйскай гарадской бальніцы», - паведаміў Аляксандр Малькоў.

Абставіны здарэння высвятляюцца.

З пачатку года ў Беларусі гэта ўжо сёмы падобны выпадак, у пяці з іх пацярпелыя не выжылі.

БЕЛТА