У Бабруйску 27 кастрычніка правядуць гарадскі суботнік. Пра гэта паведамляецца на сайце гарвыканкама.

Суботнік стане завяршальным мерапрыемствам па навядзенні парадку ў восеньскі перыяд.

Арганізацыі горада на Бярэзіне прывядуць у належны санітарна-тэхнічны стан уласныя, прылеглыя і замацаваныя тэрыторыі. Прыбяруць лістоту на ўязных магістральных вуліцах, дваровых тэрыторыях жылых дамоў. Таксама будзе арганізавана санітарная ўборка на ўнутрыдамавых тэрыторыях, у аб’ектах гандлю і бытавога абслугоўвання, на будаўнічых пляцоўках.

Бабруйчан запрашаюць прыняць актыўны ўдзел у суботніку і навесці парадак ва ўласным двары, прыватных домаўладаннях.