У Бабруйску абвясцілі аб правядзенні раённага конкурсу «Маладая сям’я – будучыня горада».

Да ўдзелу ў спаборніцтве дапускаюцца маладыя сем’і, якія пражываюць на тэрыторыі Першамайскага раёна горада на Бярэзіне. Муж і жонка ва ўзросце да 35 гадоў павінны знаходзіцца ў афіцыйна зарэгістраваным шлюбе. Наяўнасць дзяцей з’яўляецца абавязковай.

Заяўкі і конкурсныя матэрыялы неабходна падаць у аргкамітэт да 2 лістапада. Фінал спаборніцтва адбудзецца ў канцы восені. Пераможцы, прызёры і намінанты конкурсу будуць узнагароджаны дыпломамі і каштоўнымі падарункамі ад Магілёўскага абласнога аддзялення ГА «Беларускі фонд міру» і «БРСМ».

Арганізатарамі мерапрыемства выступаюць Першамайскі раённы камітэт ГА «Беларускі рэспубліканскі саюз моладзі» і аддзел ідэалагічнай работы, культуры і па справах моладзі адміністрацыі Першамайскага раёна горада Бабруйска.

Палажэнне аб раённым конкурсе «Маладая сям’я – будучыня горада»