У галоўнай піянерскай ёлцы краіны прымае ўдзел 20 дзяцей з Магілёўскай вобласці. Пра гэта карэспандэнту сайта паведаміла старшыня абласной піянерскай арганізацыі Алена Малдаванава.

У складзе дэлегацыі хлапчукі і дзяўчынкі з Магілёва, Быхаўскага, Мсціслаўскага і іншых раёнаў Прыдняпроўскага краю. Гэта актывісты, якія праявілі сябе ў розных акцыях БРПА і піянерскім руху, пераможцы і прызёры піянерскіх конкурсаў рознага ўзроўню.

Усебеларуская піянерская ёлка праходзіць сёння ў выставачным комплексе «Белэкспа» ў сталіцы. На мерапрыемства запрошана больш за 300 акцябрат і піянераў з усіх абласцей і горада Мінска.

Чакаючы пачатку прадстаўлення, піянеры змаглі паўдзельнічаць у піянерскіх інтэрактыўных пляцоўках, вясёлых конкурсах, рухомых гульнях, ператварыцца ў любімага казачнага персанажа з дапамогай аквагрыму. Акрамя таго, хлопчыкі і дзяўчынкі сталі гледачамі дзіцячага мюзікла «Навагодняя акадэмія» і акунуліся ў атмасферу навагодняй казкі.

У завяршэнне піянерскай ёлкі кожны ўдзельнік атрымае салодкі падарунак ад Беларускай рэспубліканскай піянерскай арганізацыі.