У гандлёвых сетках Магілёўскай вобласці створаны запасы па ўсіх відах прадукцыі. Гэта тычыцца тавараў якпрацяглага спажывання, так і паўсядзённага. Пра гэта карэспандэнту сайта паведаміў намеснік старшыні Магілёўскага аблвыканкама Руслан Страхар.

Праца па стабілізацыі сітуацыі на спажывецкім рынку ўзятая на кантроль як у Міністэрстве антыманапольнага рэгулявання і гандлю, так і ў аблвыканкаме, райвыканкамах.  

Руслан Страхар расказаў, што ў рэгіёне назіралася павышэнне попыту на тыя ці іншыя тавары, аднак такая сітуацыя была часовай. Так, з 15 па 20 сакавіка ў гандлёвых аб’ектах найбольш запатрабаванымі былі крупы і сланечнікавы алей. Пасля пэўнага ўсплёску на набыццё 21 сакавіка тэлевізараў і халадзільнікаў, з 26-га сакавіка попыт паменшыўся.

«На сённяшні дзень паўсядзённае набыццё тавараў адпавядае мінулагодняму паказчыку. Магазіныі іх размеркавальныя склады забяспечаныя рэсурсамі», – адзначыў намеснік старшыні Магілёўскага аблвыканкама.