У Горках аднагадовы хлопчык атрымаў хімапёк, пераблытаўшы кіслату з газіроўкай. Пра гэта паведамілі ў следчым камітэце.

Інцыдэнт адбыўся 5 жніўня. Бабуля дзіцяці пачула рэзкі плач і ўбачыла ў руках хлопчыка пустую бутэльку ад газаванага напою. У ёй захоўвалася кіслата, якой 31 ліпеня бацькі хлопчыка чысцілі трубы.

У Следчым камітэце звярнулі ўвагу, што на мінулым тыдні ў Беларусі адбыўся шэраг няшчасных выпадкаў з дзецьмі. «Па ўсіх фактах праводзяцца праверкі, высвятляюцца прычыны і ўмовы, якія паўплывалі на тое, што няшчасныя выпадкі адбыліся», – падкрэслілі ў СК.

Следчыя нагадваюць бацькам аб недапушчальнасці захоўвання вадкасцяў, якія ўяўляюць небяспеку, у даступных для дзяцей месцах. Варта абмежаваць доступ і да электрычных бытавых прыбораў, да адкрытых крыніц павышанай тэмпературы і агню. Нельга пакідаць дзяцей адных у памяшканнях з адкрытымі вокнамі.

Па матэрыяле БЕЛТА