Выдатны адпачынак – гэта прагулка на свежым паветры па маляўнічых месцах. У іх ліку – дэндрарый батанічнага саду, размешчаны ў Горках на тэрыторыі Беларускай сельгасакадэміі. Сёння парк, які быў закладзены ў 1847 годзе, уваходзіць у спіс помнікаў прыроды рэспубліканскага значэння.

«Раней у дэндрарый можна было трапіць толькі праз батанічны сад у рабочыя дні з 8.00 да 17.00, – адзначыў прарэктар па адміністрацыйна-гаспадарчай рабоце акадэміі Віктар Капытоўскі. – Вядома, большасць людзей праз такі рэжым не мелі магчымасці прагуляцца там і атрымаць асалоду ад прыгажосці прыроды. Таму было прынята рашэнне змяніць час наведвання і ўваход у парк. З 13 ліпеня для наведвальнікаў ўпершыню адкрыюць цэнтральныя дзверы ў дэндрарый. Ён будзе працаваць шэсць дзён на тыдзень. Па буднях – з 10.00 да 19.00, а ў суботу – з 11.00 да 17.00. Уваход свабодны, з боку Ніжняга возера».

Як расказала загадчыца батанічнага саду Ганна Гардзеева, дэндрапарк раскінуўся на 14 га. У экспазіцыю ўваходзяць 90 відаў дрэў і 145 кустоў. Сярод разнастайна травяністай расліннасці ёсць і рэдкія, занесеныя ў Чырвоную кнігу. Напрыклад, гусіная цыбуля, шпажнік чарапітчаты, гарлачык жоўты. Гняздуецца 56 разнавіднасцяў птушак. Жывуць рудыя амерыканскія вавёркі, вожыкі, зайцы, бабры.

Паводле матэрыялу газеты «Горацкі веснік»