У Кіраўскім раёне ратавальнікі знайшлі мужчыну, які заблудзіўся ў лесе, як паведамілі ў МНС.

Знаёмая мужчыны 19 жніўня ў 21.57 паведаміла ў МНС аб тым, што ён згубіўся ў лесе ў в. Скачок. «Для пошукаў былі задзейнічаны супрацоўнікі РАУС і ратавальнікі з сабакамі Рэспубліканскага атрада спецыяльнага прызначэння МНС. Прыкладна ў 5.00 мужчына быў знойдзены пры абследаванні лесу. Яго стан здавальняльны, у медыцынскай дапамозе ён не меў патрэбы», – заўважылі ў МНС.

Ратавальнікі нагадваюць пра тое, што трэба загадзя рыхтавацца да паходаў у лес, паведамляць родным аб планаваным часе вяртання. З сабой абавязкова трэба ўзяць зараджаны мабільны тэлефон, ваду, а пры неабходнасці і лекі. Перад тым як адправіцца ў грыбы і ягады, не лішнім будзе вывучыць карту мясцовасці.

Больш падрабязную інфармацыю аб правілах бяспекі можна прачытаць у раздзеле «Будзь гатовы!» на сайце МНС, а тэст «Калі заблукалі ў лесе» ў мабільным дадатку «Дапамога побач» дапаможа праверыць і замацаваць веды.

БЕЛТА