Два пажары адбылося за мінулыя суткі ў Магілёўскай вобласці, адзін скончыўся гібеллю. Пра гэта карэспандэнту сайта паведаміла старшы інспектар Цэнтра бяспекі жыццядзейнасці і ўзаемадзеяння з грамадскасцю рэгіянальнага ўпраўлення МНС Вольга Нехарошых.

Так, 24 кастрычніка каля паловы на дзясятую вечара ад жыхароў вёскі Гута Клімавіцкага раёна паступіла паведамленне аб адкрытым гарэнні жылога дома, які належыць 61-гадоваму мясцоваму жыхару. Агонь не пакінуў шанцаў на выратаванне: без прыкмет жыцця гаспадара знайшлі на падлозе аднаго з пакояў. У выніку пажару знішчаны дах, пашкоджана перакрыцце, сцены і маёмасць у доме. Загінулы пражываў адзін, працаваў. Усе абставіны здарэння высвятляюцца.

Яшчэ адно ўзгаранне адбылося ў Магілёве. Каля 15.00 меркавана праз парушэнне правілаў эксплуатацыі печы, загарэўся гараж, размешчаны па завулку 1-ым Куйбышава. Ратавальнікаў выклікалі гаспадары. Па прыбыцці да месца пажару з-пад даху гаража ішоў дым. Літаральна 5 хвілін спатрэбілася агняборцам для ўтаймавання стыхіі. У выніку пажару пашкоджана перакрыцце і маёмасць у гаражы.

Фота - МНС