Камітэтам дзяржкантролю Магілёўскай вобласці праведзены маніторынг стану льняной галіны ў рэгіёне. Пра гэта карэспандэнту сайта паведаміў першы намеснік старшыні камітэта Юрый Фралоў.

Вынікі праверкі паказалі, што ў вобласці прымаюцца арганізацыйна-практычныя меры па стварэнні належных умоў для функцыянавання апрацоўчых і перапрацоўчых лён арганізацый. Разам з тым у галіны маюцца шматлікія рэзервы для павышэння эфектыўнасці яе функцыявання, у першую чаргу за кошт безумоўнага выканання галіновага рэгламенту вырошчвання гэтай культуры.

У бягучым годзе тыя ці іншыя хібы і недахопы, якія цягнуць зніжэнне ўраджайнасці лёну, выяўлены камітэтам практычна ва ўсіх ільносеючых арганізацыях рэгіёна. У іх ліку: недастатковая апрацоўка зямель ад пустазелля, пасеваў лёну ад хвароб і шкоднікаў, неўнясенне неабходных аб’ёмаў мінеральных угнаенняў, невыкананне аптымальных тэрмінаў сяўбы і ўборкі лёну.

У выніку ў бягучым годзе ў вобласці не выканана даручэнне Кіраўніка дзяржавы аб вытворчасці льнотрасты сярэднім нумарам 1,5. У рэальнасці ён склаў толькі 1,0.

Невыкананне агратэхнічных тэрмінаў уборкі лёну ў значнай ступені абумоўлена недахопам у рэгіёне спецыялізаванай ільноўборачнай тэхнікі, што ў шэрагу выпадкаў цягне недабор ільносеючымі арганізацыямі ўраджаю, нарыхтоўку складанай для перапрацоўкі ў далейшым ільнотрасты.

Па выніках праведзенага маніторынгу Магілёўскаму аблвыканкаму і льносеючым арганізацыям ўнесены прапановы па ліквідацыі выяўленых упушчэнняў і недахопаў. Іх выкананне ўзята на кантроль.