Тактыка-спецыяльнае вучэнне з вайсковай часцю 89417 пройдзе з 7 па 11 кастрычніка ў Магілёўскай вобласці, інфармуе сайт Міністэрства абароны.

У ходзе манеўраў будуць адпрацаваны пытанні дастаўкі падраздзяленняў брыгады ў месцы выканання вучэбна-баявых задач рознымі спосабамі: паветраным (парашутным і беспарашутным), чыгуначным, дэсантаванне асабовага складу з самалёта ваенна-транспартнай авіяцыі Іл-76 і верталётаў Мі-8 у розных умовах надвор’я і ў розны час сутак.

Акрамя таго, вайскоўцы адпрацуюць пытанні вядзення разведкі ў інтарэсах выяўлення ўмоўных груп праціўніка, пры гэтым будуць выкарыстоўвацца разведвальныя групы, а таксама прымяняцца беспілотныя авіяцыйныя комплексы. Вайскоўцы таксама будуць адпрацоўваць дзеянні па вызваленні аэрадрома, захопленага ўмоўным праціўнікам.