Дзіцячы творчы конкурс «Трапечуць крылы на ветры» абвясцілі Магілёўская абласная бібліятэка імя У. І. Леніна і рэгіянальны камітэт прыродных рэсурсаў і аховы навакольнага асяроддзя.

Арганізатары прапануюць юным чытачам бібліятэкі чатыры намінацыі: “Найлепшы малюнак”, “Найлепшая выраб” (у тым ліку кармушка), «Аўтарскае фатаграфаванне птушак», «Літаратурны твор, прысвечаны птушкам». Працы могуць быць індывідуальнымі і калектыўнымі (сумесная сямейная творчасць, удзел цэлага класа навучальнай установы). Галоўнае, каб цэнтральнай фігурай была птушка, а пры стварэнні кампазіцыі не ўжывалася пер’е.

Спаборніцтва праводзіцца ў тры этапы. Да 17 снежня 2017 года ідзе прыём прац па адрасе: г. Магілёў, вул. Крыленкі, д.8, юнацкі аддзел. З 18 па 24 снежня адбудзецца галасаванне чытачоў за ўпадабаныя экспанаты. Падвядзенне вынікаў запланавана на 27 снежня. Пераможцу выберуць у кожнай з намінацый і ўзнагародзяць дыпломамі і падарункамі.

Творчыя работы ўсіх удзельнікаў конкурсу будуць прадстаўлены на аднайменнай бібліятэчнай выставе «Трапечуць крылы на ветры».

ПАЛАЖЭННЕ