Ордэнам Маці за нараджэнне і выхаванне пяці і больш дзяцей узнагароджаны 5 шматдзетных жанчын з Магілёўскай вобласці. Адпаведны Указ Прэзідэнт Беларусі Аляксандр Лукашэнка падпісаў 31 студзеня 2017 года.

У ліку ўзнагароджаных жывёлавод філіяла “Белшына-агра” адкрытага акцыянернага таварыства “Белшына” Святлана Бута (аграгарадок Ліпень, Асіповіцкі раён), прыбіральнік вытворчых памяшканняў інтэрната Асіповіцкага ўнітарнага камунальнага прадпрыемства жыллёва-камунальнай гаспадаркі Таццяна Кунцэвіч (вёска Углата), ветэрынарны ўрач закрытага акцыянернага таварыства «Агракамбінат “Зара”» Алена Каўбаса (аграгарадок Рэчкі, Магілёўскі раён), маці-выхавальніца дзіцячага дома сямейнага тыпу аддзела адукацыі, спорту і турызму Чавускага раённага выканаўчага камітэта Таісія Кулікова (горад Чавусы), санітарка Старасельскай амбулаторыі ўрача агульнай практыкі ўстановы аховы здароўя “Шклоўская цэнтральная раённая бальніца” Наталля Мацюхова (аграгарадок Стараселле, Шклоўскі раён).