У Магілёўскай вобласці падвялі вынікі I этапу рэспубліканскага агляду-конкурсу на самы лепшы аздараўленчы лагер з кругласутачным, дзённым знаходжаннем 2017 года.

Удзельнікі спаборніцтваў падалі на разгляд у пяці намінацыях 79 работ, якія, у адпаведнасці з крытэрыямі ацэнкі, прааналізавала абласная камісія. Было адзначана, што праекты распрацаваны з улікам індывідуальных і ўзроставых асаблівасцей дзяцей, адлюстроўваюць практычны вопыт выхаваўчай дзейнасці ў аздараўленчых лагерах.

Па выніках набраных балаў найлепшымі працамі прызнаны:

«Найлепшы загарадны аздараўленчы лагер» – аздараўленчы лагер «Шчаткава» філіяла «Бабруйскія электрычныя сеткі» РУП «Магілёўэнерга»;

«Найлепшае медыцынскае забеспячэнне дзяцей у аздараўленчым лагеры» – аздараўленчы лагер «Пціч» аддзела адукацыі, спорту і турызму Асіповіцкага райвыканкама;

«Найлепшая арганізацыя харчавання ў аздараўленчым лагеры» – аздараўленчы лагер «Космас» аддзела адукацыі, спорту і турызму Шклоўскага райвыканкама;

«Найлепшая арганізацыя спартыўна-аздараўленчай работы ў аздараўленчым лагеры» – аздараўленчы лагер «Каласок» аддзела адукацыі, спорту і турызму Магілёўскага райвыканкама;

«Новыя мадэлі арганізацыі дзіцячага адпачынку «Зробім лета ярчэй»

па тыпах лагераў:

– лагер з дзённым знаходжаннем – «Сонейка» ДУА «Сярэдняя школа № 31 г. Магілёва» і «Фартуна» ДУА «Кадзінская сярэдняя школа» (Магілёўскі раён);

– лагер з кругласутачным знаходжаннем – «Крыніца» ДУДА «Абласны цэнтр творчасці»;

– лагер па профілі, напрамку дзейнасці – «Лідар» ДУДА «Цэнтр творчасці дзяцей і моладзі «Крынічка» г. Магілёва» аддзела адукацыі, спорту і турызму адміністрацыі Ленінскага раёна г. Магілёва;

– лагер працы і адпачынку – «Юныя лесаводы» ДУА «Сярэдняя школа № 25 г. Бабруйска».