Напярэдадні Дня Незалежнасці Рэспублікі Беларусь у Магілёўскай вобласці стартавала акцыя БРСМ «Падары немаўляці вышыванку». Пра гэта карэспандэнту сайта паведамілі ў абласным камітэце ГА «Беларускі рэспубліканскі саюз моладзі».

У гэтыя дні валанцёры руху «Добрае Сэрца», актывісты моладзевай арганізацыі наведваюць радзільныя дамы рэгіёна і ўрачыста ўручаюць сувеніры, падарункі з нацыянальным беларускім арнаментам нованароджаным грамадзянам краіны.

«Спрадвеку беларусы вышывалі характэрным арнаментам вопратку, ператвараючы яе ў своеасаблівы абярэг, які з часам стаў сімвалам нацыі. Мы хочам, каб такі знак з самага нараджэння аберагаў кожнага маленькага беларуса, у нашых падарунках-сувенірах змяшчаецца менавіта такі пасыл», – падкрэслілі суразмоўцы.